Home Актуелно Најмалку девет нови жртви во демонстрациите во Иран

Најмалку девет нови жртви во демонстрациите во Иран

Протестите против економските услови продолжуваат со несмален интензитет

Иранскиот врховен лидер ајатолахот Али Хаменеи ги обвини непријателите на Исламската република за серијата насилни анти-владини протести кои почнаа на крајот од минатата недела, пишува Гласот на Америка.

„Непријателите на Иран користат различни средства, вклучувајќи пари, оружје, политички и разузнавачки интриги за да креираат проблем во Исламската држава“, изјави ајатолахот Али Хаменеи во соопштение преку државната телевизија, објавено на неговата официјална интернет-страница. Хаменеи рече дека ќе се обрати до нацијата за последните случувања кога „ќе биде дојде време“.

Иранската државна телевизија објави уште ноќта девет лица загинаа во анти-владините протести. Билансот на жртви се искачи на повеќе од 20-тина од почетокот на жестоките демонстрации против економските услови во земјата.

Американскиот претседател Доналд Трамп, преку Твитер утринава истакна дека „луѓето во Иран конечно реагираат против бруталниот и корумпиран ирански режим“.

Иранскиот претседател Хасан Рохани се закани дека безбедносните сили ќе одговорат на „налетот на демонстрантите и оние кои го кршат редот и поредокот“.

Стотици демонстранти се уапсени од почетокот на протестите во четвртокот во градот Машад, пред да се прошират во други делови ширум земјата.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…