Менаџерот на Манчестер Јунајтед, Жозе Мурињо смета дека „граѓаните“ сигурно ќе завршат во Топ 4 на крајот од сезоната, а дека неговиот тим ќе се бори со Ливерпул и Арсенал.
Во моментов клубовите од Манчестер се на четвртото и петото место на табелата, на само два бода од Ливерпул, кој има и меч повеќе.
„Мислам дека Манчестер Сити ќе заврши во Топ 4. Натпреварите кои им остануваат до крајот го укажуваат тоа. Мислам дека ние, Арсенал и Ливерпул ќе се обидеме да го обезнедиме другото место кое води во ЛШ“, смета „Специјалниот“.
„Меѓутоа вистината е дека ние играме полуфинале во Лига Европа и имаме многу повредени играчи. Сепак, ние ќе се бориме се додека имаме математички шанси“, додаде Мурињо.
