Во последните денови на големо се шпекулира за трансферот на Лука Модриќ во Интер, а каде што има оган има и чад.
И покрај фактот што претседателот на Реал, Флорентино Перез не сака да се разедели од хрватскиот плејмејкер, неговите агенти веќе два дена се во Милано и преговараат со раководството на Интер.
Интер на Лука Модриќ му нуди 11,5 милиони евра по сезона или 46 милиони евра на четири години и наводно фудбалерот веќе кажал ДА.
Сега се очекува Модриќ лично да се сретне со Перез следната недела и да побара да му биде дозволен трансфер на „Џузепе Менаца“.
Модриќ наскоро ќе наполни 33 години, па ова е последната шанса „кралевите“ да заработат на неговото заминување.
Останува да видиме дали Перез ќе се согласи да го пушти „архитектот“ на тимот и ќе започне со подмладување или сепак ќе го задржи Модриќ на „Сантиаго Бернабеу“.
