Младинскиот културен центар и киното „Милениум“, согласно владините препораки и наредби, ги откажаа сите настани и проекции кои беа закажани за периодот до 24 март.
„За сите нови термини навремено ќе информираме, a публиката којашто има купено билети за некој од бројните настани во следниов период, истите ќе може да ги искористи за новите термини“, се наведува во соопштението.
Претходно и Кинотеката, МНТ, Драмски театар, „Театар комедија“ и Театарот за деца и младинци ги откажаа настаните и претставите.
