Марсеј се откажа од трансферот на Паје

Ситуацијата околу Димитри Паје додатно се искомплицира откако Олимпик Марсеј реши да се откаже од реализација на трансферот во зимскиот преоден рок.

Трансферот на Паје е премногу компликуван и скап, тешко може да се реализира поради што челниците на Олимпик Марсеј решиле да пронајдат друго решение во средниот ред.

Димитри Паје одби да игра за Вест Хем, истакнувајќи дека поради семејни проблеми сака да се врати во татковината. Неговиот поранешен клуб Олимпик Марсеј покажа интерес, понуди сума од 20 милиони евра која лондонскиот клуб ја одби.

Сепак, според одредени медиуми, францускиот клуб бил подготвен да ја зголеми понудата на 29 милиони евра, но вчера преговорите помеѓу клубовите пропаднале.

Паје бил подготвен да заработува 30% помалку од она што го заработуваше во Вест Хем, а исто така одбил и три финансиски богати понуди од Кина.