Играчот за врска на Јувентус, Клаудио Маркизио изјави дека според него Милан и Интер оваа сезона немаат шанси да се борат за Скудетото.
Ова лето Милан е апсолутен хит на трансфер пазарот. „Росонерите“ потрошија повеќе од 200 милиони евра на засилувања, но Маркизио ги „отпиша“ миланските гиганти во борбата за титулата.
„Милан и Интер многу го променија играчкиот кадар, а тоа никогаш не е довро. Милан оваа сезона игра во Европа, Интер не, што може да биде предност за „нероаѕурите“. Иако многумина мислат дека можат да бидат наши ривали за титулата, сепак овие клубови не се во трка за Скудетото“, смета Маркизио.
„Мораме да внимаваме на Наполи и Рома, тие се нашите најголеми ривали, бидејќи двете екипи имаат соледен темел за успех“, додаде Италијанецот.
