Во премиерното издание на новата сезона на „Бекстејџ”, видно потресена и низ солзи, Марјана Станојковска зборуваше за Влатко Илиевски со кого беа блиски пријатели и соработници.
„Многу ми е тешко, кога прочитав за неговата смрт не можев да си поверувам”, рече Марјана во емисијата и се потсети на најубавите моменти поминати со Влатче, притоа додавајќи дека се слушнала со него само неколку дена пред да почине.
Инаку, Марјана и Влатко Илиевски беа првиот водителски пар на најгледаниот естраден магазин на домашен терен, а првиот дел од емисијата беше посветен на ликот и делото на Илиевски каде покрај Станојковска, зборуваше и неговата прва љубов – актерката Ана Стојановска, а беа прикажани и снимки од домот на Влатче.
