Раководството на Манчестер Сити донесе изненадувачка одлука да ја продаде една од најголемите ѕвезди на тимот, Рахим Стерлинг, пренесува „Мирор“.
Според информации од неименуван извор цитиран од весникот, играчот ќе биде ставен на трансфер листа, доколку не се договори за продолжување на соработката со „граѓаните“.
Актуелниот договор на Стирлинг истекува во јуни 2020 година, според кој заработува 170,000 фунти неделно, но напаѓачот бара подобри финансиски услови. Доколку Стирлинг добие зголемување на платата, во новиот договор нема да биде вметната откупна клаузула и Манчестер Сити ќе може слободно да ја одреди неговата цена.
Стерлинг пристигна на „Етихад“ во 2015 година, а минатата сезона одигра 46 натпревари на кои постигна 23 гола и запиша 12 асистенции.
Претпоставките се дека двете страни ќе се обидат да постигнат договор во новата сезона. Но, ако не постои таков по Нова Година, тогаш од пролетта 2019 англискиот напаѓач ќе биде понуден на разни клубови и менаџери.
Raheem Sterling will be sold by Manchester City if he fails to agree a new contract with the club by the end of the season. (Source: Daily Mirror) pic.twitter.com/DGoQ7TFRiT
— Transfer News Live (@DeadlineDayLive) July 20, 2018
