Во вчерашното издание на емисијата „КОД“ со Снежана Лупевска-Созен, не се емитуваше прилогот за двајца работници од кои едниот починал, а другиот ги изгубил двете раце во иста фабрика во Кавадарци.
Лупевска-Созен, во изјава за „Слободен печат“ вели дека поради притисоци од сопственикот на фабриката не се емитувал прилогот.
„Уште кога му баравме изјава на сопственикот на фабриката, Илија Гечев, тој ни се закани дека ќе побара од Телма да не се емитува прилогот“ – ни изјави Лупевска.
Лупеска вели дека до сега во емисијата „КОД“ никогаш не и се случило да биде изваден прилог.
Илија Гечев е сопственик на компанијата ИГМ-Трејд каде се случиле несреќите на двајцата работници за кои беше наменет прилогот во емисијата „КОД“. Компанијата се занимава со производство на заварени цефки и профили.
