Home Актуелно Лазаровска ќе биде избркана од АРМ поради говорот на омраза на Фејсбук

Лазаровска ќе биде избркана од АРМ поради говорот на омраза на Фејсбук

Формирање на дисциплинска комисија која ќе поведе дисциплинска постапка против професионалниот војник Татјана Лазаровска најави АРМ, откако Лазаровска јавно, преку својот Фејсбук профил, го фалеше и „бараше Нобелова награда“ за убиецот од Нов Зеланд кој изврши масакр на верници во џамија.

Од АРМ најавија дека ќе биде предложена најстрога казна, односно да ѝ прекине ангажманот во Армијата на Република Македонија поради користење на говор на омраза, пренесува Плусинфо.

Според објаснувањето од АРМ, а повикувајќи се на Законот за служба во АРМ, за Лазаровска ќе се бара престанок на работниот однос, односно престанок на статус на активен воен персонал поради изразување и застапување политички ставови и убедувања во службата и предизвикување национална, верска и расна нетрпеливост.

„Од Генералштабот е наложено до потчинетите команди и единици секогаш да се преземат соодветни мерки за спречување и најостро санкционирање во рамки на законските надлежности на било кој непримерен облик на однесување и нарушување на угледот на Армијата од страна на своите припадници“, стои во реакцијата на Генералштабот.

Load More Related Articles
Load More In Актуелно
Comments are closed.

Check Also

КПХФВ: Уличниот стил во Копенхаген ја обликуваше и обои радоста

Вистина е дека, со целиот хип околу Париската недела на висока мода, Копенхаген можеби ост…