Хрватскиот играч за врска Матео Ковачиќ оствари средба очи во очи со новиот тренер на Реал Мадрид, Хулен Лопетеги и му ја соопшти одлуката да го напушти клубот, пренесува „Марка“.
Ковачиќ имал разговор со тренерот во базата во Валдебебас и му објаснил дека најдобрата опција за неговата иднина е да биде продаден во клуб каде ќе добива повеќе минути за да се докаже. „Марка“ информира дека Ковачиќ и Лопетеги зборувале пријателски, но не многу долго, бидејќи фудбалерот веќе има цврста одлука.
Весникот потсетува на интервју со Хрватот од 23 јуни, во кое тој објаснува дека разбира колку е тешко да си стартер во Реал Мадрид, но сака да добива повеќе шанси за докажување.
„Марка“ додава дека „кралскиот“ клуб се надева дека ќе добие најмалку 50 милиони евра за неговиот потпис.
Ni con el cambio de técnico cambia de idea: Kovacic pide irse https://t.co/xRpxxdqyNu Información por @jigochoa y @Carpio_Marca pic.twitter.com/5VxSxXxkBu
— FichajesMARCA (@Marcatransfer) July 22, 2018
Учество во игри на среќа е дозволено за лица со 18+ години. Играј одговорно!