Шанса да станеш YouTuber! Приклучи се! ↓↓↓
Две години откако порача дека нејзините денови на соблекување пред камера се „избројани“, Кејт Винслет реши повторно да се разголи.
Оскаровката и ѕвезда на претстојната драма „Ли“ сподели со Vogue зошто соблекувањето пред камера за неа е „само уште еден нормален ден“, пишува NY Post.
– Знам дека не треба да се троши драгоцена енергија на критикување на својот физички изглед – изјавила таа за магазинот во интервјуто кое го дала пред штрајкот на актерите.
– Мислам дека е подобро секоја жена едноставно да каже: „Верувам во себе, не е важно што мислат другите, ваква сум јас“ – продолжи таа. Во „Ли“, чија премиера беше во саботата на Филмскиот фестивал во Торонто, Винслет (47) глуми фотографка која станала воен модел, која исто така работела како воен дописник за Вог за време на Втората светска војна.
Винслет се појавува во филмот топлес и пресоздава една од познатите фотографии на Милер. Таа истакна дека на 47-годишна возраст не се плаши да го покаже своето голо тело или целосно да го промени својот зачудувачки изглед за публиката да се поврзе со ликот што го глуми. Рекла и дека мора да биде „храбра“ бидејќи да го покаже своето тело во природна форма и да не го крие „не е мала работа“.
Винслет исто така рече дека „критиките за нејзиниот изглед на почетокот на нејзината кариера ја натерале помалку да се грижи за стандардите за убавина“.
– Мислам дека тоа веројатно произлегува од фактот што бев подложена на најстрашната провокација и осуда од мејнстрим медиумите кога имав само 20 години – се присети ѕвездата на „Титаник“. Да потсетиме, Винслет, која тогаш имаше 21 година, се соблече за младиот Леонардо ди Каприо да ја наслика „како една од неговите Французинки“.
Во актерската екипа на „Ли“ се и Александар Скарсгард, Андреа Рајзборо, Марион Котијар, Џош О’Конор и Енди Самберг. Додека биографскиот филм е сосема поинакво и ново искуство за Самберг, славниот актер уште во март за The Post изјави дека се согласил на улогата бидејќи „кога Винслет ќе те повика, мораш да кажеш да“.
