Како да го одберете вистинскиот хидратантен крем во зависност од вашите години
Пред да инвестирате во хидратантен крем, научете како да го направите вистинскиот избор.
При раѓање, 75% од вкупната човечка тежина е вода, процент што во возрасната доба, во најдобар случај, се сведува на 60%. Неповолните услови на животната средина и природното стареење на кожата доведуваат до намалување на нивото на влага и ослабување на природните механизми за задржување на водата. Затоа, соодветната хидратација на кожата е клучна за одржување на доброто здравје и цврстина.
Ова се најдобрите совети кои ќе ви помогнат да одлучите кој крем за лице да користите во зависност од вашата возраст:
Во 20-тите години
Во оваа клучна декада се поставуваат темелите за кожата која ќе ја имате во иднина. Богат хидратантен крем за подобрување на сјајот на кожата е основен дел од рутината за нега.
Во 30-тите години
Околу 30-тата година почнуваат да се појавуваат првите знаци на стареење во форма на мимички брчки околу очите или челото. Тогаш стануваат поочигледни и последиците од пушење, стрес, неадекватна исхрана, хронично изложување на загадувачи, како и сонце без соодветна заштита. Време е да ја замените вообичаената хидратантна нега со крем со антиејџ својства, кој ќе помогне во спречување на предвремено стареење. Производи со антиоксиданси, како витамин Ц, се идеален избор.
Во 40-тите години
Во оваа декада, стапката на регенерација на кожните клетки постепено се намалува, што води до сè поизразени знаци на стареење. Состојки како хијалуронска киселина, ретинол и антиоксиданси што ги врзуваат штетните слободни радикали се клучни за избор на хидратантен крем во четириесеттите години.
Од 50-тите години и понатаму
Намаленото производство на естроген, а подоцна и неговиот целосен прекин, влијае на редукцијата на колагенот и еластинот. Кожата почнува да станува потенка, а брчките и фините линии се поизразени од кога било. Истовремено, нивото на хијалуронска киселина се намалува, што резултира со потемна и дехидрирана кожа. Жените над 50 години треба да користат специјални креми за зрела кожа, со состојки што ја поттикнуваат продукцијата на колаген и еластин за помладешки изглед. Идеални се производите со антиоксиданси, како витамин Ц, и пептиди што ги снабдуваат клетките со хранливи материи и ја стимулираат продукцијата на колаген. За уште подобри резултати, одличен избор се кремите со хијалуронска киселина, која може да ги “пополни” фините линии и да ги минимизира брчките.
