Периименопаузата е преодна фаза која може да трае со години пред самата менопауза, носејќи бројни физички и емотивни промени. Холивудската ѕвезда Гвинет Палтроу го сподели своето искуство и откри како се справува со овој предизвикувачки период.
Гвинет Палтроу никогаш не се воздржувала да зборува отворено за промените што ѝ се случуваат на телото, па така и овој пат не направи исклучок. Во својата најнова изјава, 51-годишната актерка и основачка на велнес-брендот Goop откри дека се наоѓа во периименопауза – период што претходи на менопаузата и носи хормонски турбуленции, физички промени и емотивни предизвици.
Нејзиниот отворен пристап нè потсетува на ланското сведоштво на Наоми Вотс, која во интервју го сподели својот личен пат низ периименопаузата.
„Мило ми е што работите се менуваат и што жените конечно се чувствуваат слободни да зборуваат за ова. Во генерацијата на мојата мајка, ова беше табу-тема, речиси непостоечка во јавните разговори“, изјави Палтроу.
Што е периименопауза и како да ја препознаеме?
Периименопаузата е природен процес што може да трае и до десет години пред жената да влезе во менопауза. Нејзините симптоми варираат, но може да вклучуваат:
- Налети на топлина и ноќно потење
- Сувост на вагината и промени во сексуалниот нагон
- Несоница и чувство на замор
- Неправилни менструални циклуси
- Промени во расположението и раздразливост
За многу жени, оваа фаза може да биде емоционален ролеркостер – нешто што и самата Палтроу го потврдува.
„Моментално сум во средината на периименопаузата и тоа е вистинска ролеркостер-возење. Мојот најдобар совет за жените е да откријат што им одговара најмногу, бидејќи нема универзално решение“, искрено признава.
Како се справува Гвинет со промените?
Како поборничка за холистичкото здравје, Палтроу верува дека клучот е во правилната исхрана и негата на здрави навики.
„За мене, најважно е да ја одржувам здравата функција на цревата и црниот дроб, за да може вишокот хормони да се исфрлат од организмот и да предизвикаат што помалку симптоми“, објаснува актерката.
Покрај тоа, Палтроу нагласува колку е важно да се зборува за оваа тема и да се нормализира искуството низ кое минува секоја жена.
„Постојат толку многу одлични опции што можат да ни помогнат – од хормонската терапија (HRT) до различни суплементи. Најважно е да не чувствуваме срам за оваа фаза во животот, туку да ја гледаме како ново поглавје што носи мудрост и сила“, додава.
Менопаузата – време за редефинирање на женската сила
Уште во 2018 година, Палтроу преку Инстаграм на својот бренд Goop за првпат откри дека поминува низ периименопауза.
„Ги чувствувам промените на моето тело – налети на топлина, промени во расположението… Понекогаш одеднаш се нервирам без никаква причина“, призна тогаш.
Актерката смета дека е време менопаузата да престане да биде стигма и општеството да почне да ги слави жените во оваа фаза од животот.
„Менопаузата има лоша репутација и мислам дека е време целосно да го смениме наративот. Нема доволно инспиративни примери на жени во менопауза што зрачат со самодоверба и сила. Време е да го промениме тоа“, заклучува Гвинет Палтроу.
Пораката за сите жени? Периименопаузата и менопаузата се дел од нашиот пат – да ги прифатиме со љубов кон себе.
