По завршувањето на натпреварот во Супер купот на УЕФА во Скопје, Мурињо сребрениот медал му го подари на едно дете од трибините, фан на Манчестер Јунајтед.
Имено, Мурињо отиде до трибината со навивачите на Манчестер Јунајтед, и го подари медалот на едно дете во публиката, а набргу потоа, преку официјалната Фејсбук страница на клубот, беше соопштено доколку некој го знае среќниот млад фан, да го контактира клубот.
„Врвен гест од Жозе, што го подари медалот од УЕФА Супер купот на млад навивач! Дали некој го познава среќниот добитник? Ве молиме контактирајте не“, објавено е на страницата на Манчестер Јунајтед.
„Јас ќе го ставам медалот некаде во мојата куќа, а за тоа детем тој медал ќе вреди како злато. Тоа е нешто што никогаш нема да го заборави“, изјави Мурињо по мечот.
