Ива Штрљиќ за првпат во улога на мајка
Актерката Ива Штрљиќ за првпат се најде во улогата на мајка во серијата „Крунска 11“. По улогата на Дијана Ерски, која ја толкува веќе седум сезони во серијата „Игра судбине“, Ива ја освои публиката со улогата на Јагода Петровиќ во новата телевизиска драма.
„Уживам во оваа улога, а баш пред некој ден добив известување дека од јануари продолжуваме со снимањето на новите епизоди. Неизмерно се израдував. Ова е посебна серија за мене, бидејќи за првпат играм мајка, а тоа додава уште еден слој на значење за мене,“ открива актерката.
Ива одлично се снајде во улогата на мајка, а покрај ќерката, на сетот доби и зет, па се испроба и во улогата на тешта, што на гледачите особено им се допадна.
Снимањето ќе продолжи во јануари, а Ива открива што ја исполнува најмногу кај новиот лик, кој публиката ја засака речиси исто како Дијана Ерски:
„Најмногу ме радува да откривам што сè носи во себе Јагода Петровиќ, ликот што го толкувам. А она што ми е можеби највозбудливо е нејзиниот „шармантен безобразлук“, што публиката најмногу го сака кај неа. Во нејзината наметливост и во духовитата самоувереност се крие голем дел од нејзиниот шарм. Ја сакам брзата динамика на играње, што многу прилега на комичните ликови. Јагода ја изградив токму така – таа мисли брзо, веднаш реагира, нема трпение, а нејзиниот несопирлив темперамент е она што сигурно ќе ви остави впечаток.“
