Анис Амри, осомничен за усмртувањето на 12 лица на божиќниот пазар во Берлин со камион, наводно е убиен во Милано, пренесуваат италијанските медиуми.
Цитирајќи извори за сигурност на информацијата, Ројтерс пренесува дека 24-годишниот Амри синоќа бил убиен во престрелка во италијанската метропола. Во меѓувреме, данската полиција исто така пријави дека истражува наводи дека осомничениот е забележан во Данска.
Претходно, германските медиуми објавија дека 24годишниот Анис е снимен од страна на полицијата во градот набрзо после нападот на пазарот и истражните органи и натаму веруваат дека тој се крие во главниот град на Германија.
Индипендент, пак, пренесува дека осомничениот е виден во данскиот град Алборг. Останува да видиме која информација евентуално ќе се потврди како точна.
