Славни

Искрена изјава на актерот: Си призна дека се лечел од алкохолизам

Холивудскиот актер Бен Афлек неодамна го завршил третманот за одвикнување од алкохол, пренесува The Guardian.

Актерот си ја отвори душата на својот пост на Фејсбук профилот во вторникот вечерта. 44-годишниот актер е татко на три деца, а за причина за алкохолизмот наведува дека се „виновни“ некои настани од минатото.

„Сакам да живеам со полни гради и да бидам најдобар татко на светот. Сакам моите деца да знаат дека не е срамно да побараш помош кога ти е потребна и да бидат извор на енергија на оние на кои им е потребна помош“, вели Афлек.

Додава дека голема среќа е што имал целосна поддршка од семејството и пријателите. Тој и Џенифер Гарнер најавија развод во 2015 година, после десет години брак. Брачниот пар уште не е разведен, но наведоа дека се во добри односи, а последно се зборува дека ја откажале и бракоразводната парница.

Афлек, освен што глумеше во неколку блокбастери како Batman vs. Superman: Dawn of Justice и Daredevil, режираше и неколку филма, вклучително и оскаровските Argo и Live By Night.

Тој и Мет Дејмон освоија Оскар за сценарио во 1998 година за Good Will Hunting.

Advertisements
To Top