Колку често застануваме и се гледаме себеси онака како што навистина заслужуваме – без критика, без филтри, без наметнати критериуми?
Утрото, на Денот на жената, Плоштадот Република се претвори во место кое ја славеше токму таа мисла. Илјада огледалца со пораката „потполно јас“ осамнаа во срцето на Белград, потсетувајќи ги минувачките дека автентичноста е нивната најголема сила. Секое огледалце носеше едноставна, но силна порака за единствената индивидуална вредност, а со овој симболичен гест им беше дадена силна поддршка на жените.
Оваа уникатна акција е дел од кампањата на dm, која ја слави автентичноста и убавината во сите нејзини облици. Не потсетува дека нема универзална дефиниција за убавина, нема едно правило што не дефинира. Убавината не е во трендовите, филтрите или очекувањата на другите. Таа е во она што секоја жена го носи во себе – во нејзината приказна, нејзината насмевка, нејзиниот поглед, во секоја емоција испишана на нејзиното лице.
„Кога му пријдов на огледалото, прво ги забележав моите брчки и подочници (се смее). Но потоа сфатив дека тие се траги на мојата насмевка, на непроспиените ноќи и спомените, дека сето тоа е мое и дека сето тоа сум јас“, рече една од многуте минувачки кои утринава се најдоа на Плоштадот Република.
И токму оваа изјава ја носи суштината на акцијата на dm – секоја жена да ја види убавината во својот одраз, не низ стандардите на другите, туку гледајќи го она што навистина е. Пораката „потполно јас“ не е само слоган, туку и потсетник дека секоја личност во себе носи нешто бесценето. Тоа може да биде нејзината лична приказна, животно искуство, поглед на светот – сето она што ја прави неповторлива. Во време кога често ни се наметнува како треба да изгледаме, да размислуваме и да се чувствуваме, ослободувачки и охрабрувачки е да застанеме пред огледалото и да се прифатиме себеси. Без задршки и без оправдувања.
Овој 8 март, Белград ги славеше жените токму такви какви што се. Ја славеше нивната сила, нивната убавина и автентичност. Ги потсети сите нив да застанат, да се погледнат и да си кажат: „Јас сум најдобрата за себе, затоа што сум автентична и потполно јас.“
