Кој ќе тепа на Ел Класико!? ↓↓↓
Англискиот репрезентативец Хари Мекгваер ова лето повторно ќе биде главна трансфер мета на Островот.
За него од поодамна интерес покажаа Арсенал, Челзи, Тотенхем и Манчестер Јунајтед, а сега во трката за потписот на дефанзивецот се вклучи и Пеп Гвардиола.
„Граѓаните“ се во потрага по квалитетен дефанзивец после заминувањето на Винсент Компани, а првата желба е токму Мекгваер.
Медиумите на Островот тврдат дека Гвардиола веќе разговарал со дефанзивецот и го убедил да го избере неговиот тим, а тоа значи дека второ лето по ред главна цел на Сити ќе биде играч на Лестер. Минатото лето на „Етихад“ пристигна Ријад Марез за 60 милиони фунти.
Проблемот за „граѓаните“ е што Лестер постави превисока цена за својот дефанзивец, односно 75 милиони фунти. Во моментов Сити има проблем со финансискиот фер-плеј, па останува да видиме дали ќе се согласи да ја издвои таа сума.
Доколку се реализира овој трансфер Мекгваер ќе се израмни со Ван Дајк како најскап дефанзивец на сите времиња.
https://youtu.be/nqJf1aCF64I
