Home Актуелно Германија со отворена поддршка за прием на Македонија во НАТО

Германија со отворена поддршка за прием на Македонија во НАТО

Официјален Берлин даде согласност за прием на Македонија во НАТО, потенцирајќи дека ќе се залага процесот да биде завршен брзо, пренесува „Дојче Веле“.

Како што пренесува порталот, во соопштението од германската влада, меѓудругото се вели:

„Свртниците за приклучување на Република Северна Македонија во НАТО се поставени. Во февруари 2019 година земјите членки би требало да го потпишат Протоколот за приклучување“, соопштува владата во Берлин и додава дека ќе се залага тој процес да се одвива брзо за „уште истиот месец да може да следи формалното приклучување“.

Приклучувањето на Македонија во НАТО е „важно за безбедноста во евроатлантскиот простор“, се вели во соопштението на германската влада и се додава дека е тоа „важен импулс за натамошна стабилизација на Западниот Балкан“.

Во соопштението се образлага дека надворешнополитички „Северна Македонија игра конструктивна улога на Западниот Балкан“, што особено станало видливо „преку подготвеноста да се даде согласност за промена на името од ‘Македонија’ во ‘Северна Македонија’, што беше договорено со Грција во јуни 2018 година“.

Load More Related Articles
Load More In Актуелно
Comments are closed.

Check Also

КПХФВ: Уличниот стил во Копенхаген ја обликуваше и обои радоста

Вистина е дека, со целиот хип околу Париската недела на висока мода, Копенхаген можеби ост…