Состојбата со епидемијата бележи надолен тренд, мерките дадоа резултати – ова е констатацијата која ја дава Министерот за здравство, Венко Филипче, базирана на актуелните бројки поврзани со пандемијата на КОВИД-19.
Сепак, искуството ни покажа дека таа многу брзо може да се дестабилизира доколку не се почитуваат мерките. Пред нас следат празници, слободни денови и убаво време. Да ги искористиме одговорно, да не се групираме и да не ги кршиме мерките за заштита, објави на својот фејсбук профил Филипче.
Има, посочува министерот, многу начини да поминеме квалитетно време во кругот на семејството и најблиските, а да останеме заштитени од вирусот.
-Од следната недела пристигаат поголеми количини на вакцини и ќе ги подигнеме капацитетите за вакцинација на максимум. Ве уверувам дека брзо и ефикасно ќе вакцинираме со цел што побрзо граѓаните да стекнат имунитет. Од вас единствено барам почитување на јасно пропишаните мерки кои ќе не заштитат од евентуален нов бран после празниците, напиша Филипче.
ChatGPT открива: Што вели талогот од кафе? Откриј каква порака крие твојот филџан!