Бруно Фернандеш ќе го одигра последниот меч за Спортинг Лисабон во градското дерби против Бенфика, пренесуваат португалските медиуми.
Дербито на Лисабон се игра во петок, а веројатно уште следниот ден Фернандеш ќе патува во Англија каде ќе биде на трибините на „Енфилд“ за големото дерби помеѓу Ливерпул и Манчестер Јунајтед, кое се игра во недела.
Договорот е постигнат, „црвените ѓаволи“ за неговиот потпис ќе платат 50 милиони фунти, плус 10 милиони во форма на бонуси. „Рекорд“ тврди дека во зделката нема да бидат вклучени играчи на Манчестер Јунајтед.
Во последните денови се тврдеше дека како дел од договорот би можеле Маркос Рохо и Андреас Переира да се преселат во Лисабон.
Фернандеш веќе ги договори личните услови со Јунајтед и на „Олд Трафорд“ ќе заработува 6 милиони фунти по сезона.
