Уствари викендов е затишје пред бура! ↓↓↓
Македонскиот пасош е позициониран на 44. место на ранг листата срочена според индексот на Henley Passport за 2023 година, и со него без визи може да се патува во 125 земји во светот.
Македонија бележи напредок од една позиција во однос на лани кога беше позиционирана на 45 место. На линкот ТУКА можете да видите во кои земји може да влезе лице со македонски пасош без да му треба виза за тоа.
Од земјите во регионот, најдобро рангиран е грчкиот пасош на осмото место и со него може да се патува во 185 земји, словенечкиот е на 11 позиција (182 земји), следуваат бугарскиот и хрватскиот на 18 (174), српскиот е 38 (136), црногорскиот 45 (124). Пасошот на Босна и Херцеговина е на 49 место (118 земји), на Албанија на 51 (115), а на Косово е рангиран како 101 (41).
На врвот на листата се јапонскиот, сингапурскиот, јужнокорејскиот, шпанскиот, германскиот, италијанскиот, како и пасошите на скандинавските земји. На дното, пак, се патните исправи на Сирија, Ирак и Авганистан со кои без визи може да се патува во само во двесеттина земји во светот.
