Харизматичниот менаџер на Ливерпул, Јирген Клоп на многу оригинален начин го опиша отказот на Клаудио Раниери од Лестер.
Денес готово сите менаџери од Премир лигата се солидализираат со Италијанецот, а Клоп вели дека отказот на Раниери е неочекуван и во рангот на две политички случувања од минатата година.
„Дали сум изненаден што вакви работи се случуваат? Не, не сум. Чудни работи се случуваат, како што се Брегзит, победата на Трамп и отказот на Раниери“, истакна Клоп.
Викендов Ливерпул му гостува на Лестер во рамките на Премиер лигата, а Клоп за таа прилика вели:
„Сакаме да ги повториме добрите работи од мечот со Тотенхем. Мора да бидеме агресивни и силни. Доколку дадеме се од себе, Лестер тешко ќе може да ни се спротистави“, истакна Германецот.
