Home Актуелно Државен завод за статистка тврди: До денес попишани 800.000 граѓани

Државен завод за статистка тврди: До денес попишани 800.000 граѓани

800.008 лица се попишани од почетокот на попишувачкиот процес на населението и имотот до денеска. Како што соопштуваат од Државниот завод за статистика, заклучно со вчерашниот ден до 20 часот, попишани се 249 500 домаќинства и 336 109 стана.

Можноста за самопопишување на лица во странство, пак, досега ја искористиле вкупно 193 168 лица.

Пописот на населението, домаќинствата и становите во С Македонија, кој официјално започна на 5 септември, ќе трае до 30 септември.

Во април пописот беше одложен за овој месец поради тогашниот трет ковид-бран.

Од Државниот завод за статистика веруваат дека попишувањето од епидемиолошка смисла е безбедно бидејќи сите попишувачи се должни да носат маски на лицето, да одржуваат растојание од граѓаните и редовно, пред и по секое попишување во домаќинствата, мора да ги дезинфицираат рацете и лаптоп-уредите.

Граѓаните имаат право, доколку сакаат, да побараат во нивното домаќинство да дојде вакциниран попишувач.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…