Деветте музичари од карантин во Пепелиште ќе бидат префрлени во заводот во Демир Капија

Од Министерството за Одбрана утрово информираа дека денес сите деветмина музичари кои беа ставени во карантин во касарната во Пепелиште, во Центарот за обука „Криволак“, ќе бидат преместени на нова локација.

„Како што известивме вчера, Центарот за обука во Пепелиште е само привремен простор каде треба да се извршат епидемиолошките прегледи согласно медицинскиот протокол. Тимот на Министерството за здравство утрово ќе ги заврши прегледите по што веднаш лицата ќе бидат преместени во реновираниот Завод во Демир Капија“.