Денес ќе имаме променливо време

Променливо облачно и нестабилно, на повеќе места со пороен дожд и грмежи, особено попладне кога ќе има услови за локално невреме со град.

Утринските температури ќе се движат од 6 до 13 степени, додека дневните ќе бидат во интервал од 15 до 27 степени.

Во Скопје и околината слично време со утринска температура околу 13 и дневна до 26 степени.

Во наредните денови подрачјето на Македонија ќе биде под влијание на влажни воздушни бранови што ќе предизвика времето да биде променливо облачно и нестабилно со повремени врнежи од дожд, кои на повеќе места ќе бидат поројни и проследени со грмежи.

Во четврток врнежите ќе бидат пообилни, особено во јужните делови. Од четврток ќе дува повремено засилен северен ветер, што ќе услови посвежо време.