Home Спорт Дали, сепак, не става крај – Тоти ја напушта Рома?

Дали, сепак, не става крај – Тоти ја напушта Рома?

Фудбалската легенда на Рома, Франческо Тоти, сепак нема да стави крај на кариерата по завршувањето на сезоната, пренесува „Газета дело Спорт“.

Италијанскиот весник наведува дека Тоти ќе ја заврши оваа сезона како играч на Рома, а потоа ќе се пресели во Мајами, каде ќе ја одигра последната година во кариерата.

Според информациите од Италија, тој и покрај најавите дека по повеќе од две децении активна кариера, ќе замине в пензија, решил да го прифати повикот на косопственикот на Мајами, Паоло Малдини и тренерот Алесандро Неста.

Франческо досега има одиграно 784 натпревари за Рома, постигнал 307 голови и забележал 123 асистенции. Неколку пати во кариерата ги одбивал најмоќните европски клубови, кои му нуделе многу подобри финансиски услови.

Повеќе настапи во Серија А од Тоти (615) имаат само Џиџи Буфон (616) и Паоло Малдини (647), а само легендата на Лацио, Стефано Пијола, има постигнато повеќе голови во националниот шампионат од Тоти (274/250).

Со Рома има една титула во Серија А (2001) и по две во Купот на Италија и Суперкупот.

Со италијанската репрезентација ја освои титулата светски првак во 2006 година, а набргу по победата во Германија се повлече од репрезентацијата.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…