Временската прогноза за денес, четврток, 15 август, најавува променливо облачно, со локални врнежи од дожд и грмежи, претежно во јужните делови. Ќе биде значително посвежо и ветровито со умерен до засилен северен ветер.
Максималните дневни температури ќе бидат во Скопје 28 Целзиусови степени, Маврово 22, Охрид 27, Битола 29, Кавадарци 31, Крива Паланка и Берово 26, Дојран 33 степени.
Утре ќе биде сончево со умерена облачност и со слаб до умерен северен ветер. Попладне и кон крајот на денот ќе има услови за локален дожд. Дневните температури ќе бидат во Скопје 31, Маврово 24, Охрид 27, Битола 30, Кавадарци 32, Крива Паланка 28, Берово 27, Дојран 34 степени.
