Модните трикови што ги бришат годините сега се достапни за сите дами.
Иако современата мода ги избриша границите, сè уште постои разлика во тоа што повозрасните дами треба да носат, а што не треба.
Поради тоа, многу жени се одлучуваат за парчиња облека што дополнително го стареат нивниот изглед, правејќи си на тој начин сосема спротивен ефект. Модните трикови што ги подмладуваат долго време беа резервирани само за похрабрите, но сега се достапни за сите и се навистина ефикасни.
Совети од модните експерти
Модните стилисти и дизајнери тврдат дека секоја жена, без разлика на годините, треба да носи она во кое се чувствува најубаво.
На тој начин, нејзината внатрешна енергија се рефлектира на надворешниот изглед – насмевката ќе ѝ го осветли лицето, самодовербата ќе блесне, а во очите ќе има младешки сјај.
Доколку тоа е миди здолниште на пократки нозе – нека биде со среќа. Ако се кратки ракави на малку опуштени бицепси – и тоа е во ред. Стручњаците велат дека сè е прифатливо, сè додека постои радост и љубов кон модата.
Сепак, за оние дами кои се неодлучни или сакаат да избегнат грешки, експертите даваат неколку конкретни совети.
1. Фармерки – клучно парче за помлад изглед
Иако често се сметаат за облека резервирана за помладите генерации, стилистите истакнуваат дека дамите над 50 никако не треба да ги избегнуваат – затоа што фармерките подмладуваат!
Тексас здолниште што одлично оди со блуза и патики, или пак со чизми, исто така е неизоставен дел од гардеробата.
2. Јакни наместо сакоа
Стилисти препорачуваат повозрасните дами да ги заменат сакоата со модерни јакни. Препорачливо е да се изберат понови модели, струкирани или со интересен крој.
3. Бели маици со кратки ракави
На листата на задолжителни парчиња се наоѓа белата маица со кратки ракави, која според стилистите секогаш е подобар избор од кошулите.
4. Посветли бои – визуелно подмладување
За самиот крај, експертите советуваат дамите 50+ да обрнат внимание на боите. Посветлите нијанси ја истакнуваат младешката енергија, додека потемните можат да дадат посериозен изглед.
