Спорт

Барселона тргнува по Обамејанг

Напаѓачот на Арсенал, Пјер-Емерик Обамејанг нема да стави потпис на нов договор и сака што побрзо да ја промени средината.

Надежите на клубот беа дека со доаѓањето на Микел Артета за нов кормилар, Обамејенг би сакал да остане во клубот и да потпише нов договор. Сепак, англиските медиуми ги негираат ваквите тврдења и информираат дека Африканецот веќе донел одлука да си замине од „Емирати“.

Таквата ситуација сака да ја искористи Барселона, која е во потрага по напаѓач, кој ќе може да биде замена за Луис Суарез.

Новиот тренер на Барселона, Кике Сетиен, токму во Обамејанг ја гледа идеалната замена за Суарез кој може веднаш да има важна улога во играта на Каталонците.

Обамејанг сезонава постигна 14 гола за Арсенал, а договорот со „топчиите“ му истекува идното лето. Барселона ќе се обиде да го реализира трансферот со тоа што освен пари ќе понуди и некој играч.

Сепак, тешко е да се поверува дека Арсенал ќе му дозволи на најдобриот играч да си замине од клубот на среде сезона.

Advertisements
To Top