Баримор „се воздржува“ во креветот од 2016 година – еве ја причината за оваа сексуална апстиненција


1/8 финале на СП: Мегваер пак е главна тема - 15 ден ↓↓↓



Славната холивудска актерка Дру Баримор откри дека немала емотивен партнер откако се развела од сопругот Вил Копелман во 2016 година, со кој има две ќерки. Како што изјавила, и нејзиниот поглед кон интимните односи целосно се променил, па така воопшто не ѝ се потребни.

Актерката ја споделила својата лична приказна во својот најнов блог каде навела дека не мрази секс, туку на него и на љубовта гледа како на две различни нешта.

– На речиси 48-годишна возраст се чувствувам сосема поинаку во врска со интимноста отколку кога растев. Немав родители кои ми беа пример и од мала се дружев со луѓе на возрасен начин – открила актерката во својот нов блог за апстиненцијата на самохрана мајка.

Во минатото, рекла дека барала „возбуда, потврда и авантура“ преку сексуалните односи, но тоа сега целосно го искоренила.

– По две деца и разделба од нивниот татко, го сменив фокусот кога е во прашање љубовта кон самата себе и кон моите две ќерки – продолжила таа, додавајќи дека тоа не ги вклучува мажите, ниту ги вклучувало некогаш.

Потоа прокоментирала и како еден терапевт еднаш ѝ рекол дека сексот не е љубов, туку само израз на љубов, што многу ѝ помогнало.

– Цел живот барав такви зборови кои ќе ми помогнат да ја разберам разликата и сега благодарение на него, разбирам. Откако сум самохрана мајка, не можев да имам интимна врска. Не сум личност на која ѝ треба секс. Јас сум некој кој е длабоко посветен да го охрабри начинот на кој младите жени, моите ќерки и јас како жена, треба да функционираат на овој свет – признала и нагласила дека можеби наскоро ќе може да влезе во врска, но дека тоа во никој случај не и е приоритет.