Балајаж или прамени: Што да изберете?

Ако постои една дилема за убавина што секојпат се повторува пред лето, тоа е познатото прашање: балајаж или прамени?

Двете техники ветуваат посветла, поелегантна и визуелно побогата коса, но ефектот што го даваат не е ист. Затоа не е чудно што социјалните мрежи, бјути TikTok и фризерските салони веќе со месеци водат мала “битка за убавина” за тоа што всушност изгледа подобро.

Вистина е дека и балајажот и класичните прамени можат комплетно да го трансформираат изгледот на косата. Но, разликата е во вибрацијата што ја оставаат.

Балајажот веќе со години е синоним за беспрекорната “rich girl” естетика. Името доаѓа од францускиот јазик, од зборот balayer — што значи “прелистување” или “бришење”, и токму така оваа техника изгледа на косата. Боја се нанесува со слободна рака, без фољи и строги линии, па резултатот делува меко, природно и како косата да е посветлена по едно луксузно одморалиште на Азурната Обала.

Најголем плус? Израстокот речиси не се забележува. Затоа балајажот изгледа скапо и неколку месеци по фарбањето, без постојано трчање во салон за корекции.

Од друга страна, прамените се многу попрецизни, определени и посветли. Прамени се прават од коренот до врвовите, најчесто со помош на фољи, па контрастот меѓу нијансите е многу видлив. Токму поради ова, косата изгледа посветла, погламурозна и поупечатлива.

Ако балајажот дава efekat “old money summer”, прамените наликуваат по класичниот холивудски гламур – сјајна блонд коса полна димензија и рефлексија на светлина.

Сепак, постои една важна разлика: одржување. Кај прамените, израстокот станува забележлив многу побрзо, па тие бараат почесто освежување. Балајажот е многу попрактичен за сите кои сакаат косата да изгледа уредно со минимум напор.

Бјути експертите велат дека изборот најмногу зависи од тоа каков ефект сакате. Ако сакате природен изглед, меки прелевања и коса која изгледа како да “не е премногу средена”, тогаш Балајажот е веројатно идеална опција.

Но, ако посакувате повеќе светлина, посилен контраст и ефект на гламура блонд трансформација, прамените ќе дадат многу поупечатлив резултат.

Добрата вест? Двете техники во моментов изгледаат ултрамодерно. Во ера во која доминираат негувана коса, луксузни тонови и “expensive hair” естетика, скоро е невозможно да се погреши – се додека бојата изгледа сјајно, здраво и прилагодена на вашиот стил.