Поранешната натпреварувачка навивачка на Универзитетот во Кентаки, Лејкен Снелинг, е осудена на затворска казна откако минатата година ја предизвикала смртта на своето новородено синче. Снелинг (22) во петокот, на 16 октомври, доби казна затвор од 10 години. Откако во август се изјасни за виновна за убиство од небрежност од прв степен, сквернавење на труп и други дела, ѝ се закануваше можна казна до 13 години.