Home Спорт Атлетико потврди: Симеоне ќе остане уште долго!

Атлетико потврди: Симеоне ќе остане уште долго!

Извршниот директор на Атлетико Мадрид, Мигел Анхел Хил Марин, потврди дека тренерот Диего Симеоне сигурно ќе остане во клубот и во наредната сезона.

Мигел Анхел со оваа своја изјава стави крај на шпекулациите дека популарниот Чоло ќе замине од „Винсенте Калдерон“ на крајот од сезоната.

„Тој и наредната сезона ќе биде тренер на Атлетико. Овде е пет години и логично е да остане бидејќи сме презадоволни од неговата работа. Заедно растеме, што значи дека за двете страни е најпаметно да останеме заедно уште многу години“, изјави Мигел Анхел.

Диего Симеоне има договор со клубот до 2018 година, а изминатиот месец започнаа шпекулациите дека тој би можел да замине по завршувањето на сезоната.

Силен интерес за аргентинскиот стратег покажува милански Интер, а шпекулациите се зголемија кога самиот Симеоне призна дека еден ден сигурно ќе ги предводи „нероаѕурите“.

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…