Александар Кирацовски денес на распит за „Рекет“

Денес, 5 септември, утрово во Обвинителството за организиран криминал и корупција на распит за случајот „Рекет“ се појави и пратеникот Александар Кирацовски.

Тој деновиве порача дека обвинителството треба да ги повика на распит сите политичари кои контактирале со првоосомничениот Бојан Јовановски – Боки 13, за да се стави крај на, според него, чаршиските муабети.

Вчера, уште една негова колешка од парламентот која имаше контакти со Боки 13 даде исказ во обвинителството, по што изјави дека со првосоомничениот се познавала, но не и со другите осомничени и пријавителот.