Приказната ја откри, Патрис Евра и можеби најдобро опишува зошто Кристиано Роналдо е тоа што е!
Перфекција или можете да го наречете како сакате.
На Роналдо Бог сигурно не му дал талент каков што има Меси, па дури и Нејмар, но она што Кристиано го постигна со комбинација на физичките предиспозиции и работата е неверојатно.
Освен што е познато дека е човекот кој прв доаѓа на тренинзите и последен заминува, Роналдо е неверојатен натпреварувач, не само во фудбалот, туку секаде.
Приказната која се случила во Манчестер Јунајтед веројатно го опишува и најдобро.
Патрис Евра сега ја откри за медиумите.
„Игравме пинг понг, Рио Фердинанд го победи и малку недостасуваше да се расплаче“.
„Знаете ли што направи? Испрати некој негов близок да му купи маса за пинг понг, ја намести во својот дом и вежбаше како манијак две недели. После тоа го предизвика Рио и пред сите го победи“, изјави Евра.
