Мајло Манхајм и Мег Донели повторно се појавија заедно на доделувањето на наградите „Кидс чојс“ за 2026 година, што се одржа во саботата вечер, на 14 ноември, во студијата „Телевижн сити“ во Лос Анџелес.
Колегите и пријатели не прошетаа по портокаловиот тепих пред церемонијата, но заедно излегоа на сцената за да примат награда.
Нивниот филм на „Дизни“, „Зомби 4: Зората на вампирите“, го освои трофејот во облик на портокалов цепелин во новата категорија „Watch Party: Kids’ Choice“.
Откако им се заблагодарија на обожавателите за поддршката, говорот го завршија со посебна посвета.
„Најнапред, поздрав до сите номинирани. Сите се неверојатни“, рече Мајло. „Но, сакам да се навратам на пораката на филмот, која никогаш не смееме да ја заборавиме: прифаќајте ги другите, вашите разлики се вашите супермоќи, бидете единствени, бидете свои. Ова беше лудо патување.“
Мег додаде: „Ви благодариме многу за поддршката и за сета љубов. Тоа многу ни значи. Ве сакаме сите. Ви благодариме многу!“
Пред да ја напуштат сцената, Мајло кажа дека наградата за филмот ѝ ја посветуваат на починатата Карла Џефри, со која глумеа во првите три филма од серијалот „Зомби“. Таа почина во септември.
Извор: Just Jared
Учество во игри на среќа е дозволено за лица со 18+ години. Играј одговорно!