Актерката Џанел Периш, позната по серијата „Pretty Little Liars“, и поранешниот професионален танчар од „Dancing with the Stars“, Саша Фарбер, синоќа беа фотографирани заедно.
Фарбер (42) и Периш (37), која е позната и по улогите во филмовите на „Холмарк“, ја потврдија врската кон крајот на април 2026 година. Претходно, со недели објавуваа видеа во кои танцуваат заедно и ја поттикнуваа љубопитноста на обожавателите. Во јули се појавија информации дека раскинале.
Периш се натпреваруваше во „Dancing with the Stars“ во 2014 година, но Фарбер таа сезона не беше меѓу професионалните танчари.
Според видеото што го сподели „Ду Моа“, двајцата синоќа биле на вечера во ресторанот „БЛВД Стејк“ во Шерман Оукс, Калифорнија.
Ниту Периш ниту Фарбер засега не ја коментирале средбата. Можно е по неодамнешното раскинување да останале само пријатели, како што посочија и дел од обожавателите во коментарите под видеото.
Само пет дена претходно, на 23 октомври, Фарбер зборуваше за „Ас викли“ за тоа дека моментално не е во врска.
„Не би рекол дека уживам во тоа, но сам сум и едноставно ми треба малку време. Ми треба време за себе пред воопшто да можам да одам на состаноци или да правам нешто друго“, изјави тој. „Мислам дека на сите ни треба време и тоа е сè што имам да кажам.“
Извор: Just Jared
Учество во игри на среќа е дозволено за лица со 18+ години. Играј одговорно!