Аманда Сејфрид проговори за одлуката да одбие една од значајните улоги во филмскиот универзум на Марвел.
Четириесетгодишната актерка претходно откри дека ја одбила улогата на Гамора во „Чувари на галаксијата“, додавајќи дека „оттогаш повторно не ѝ се јавиле“.
Во интервју што повторно го привлече вниманието по нејзиното изненадувачко појавување во нов филм, Сејфрид ги објасни причините за таа одлука. Улогата на крајот ја доби Зои Салдана, која потоа ја играше Гамора во уште четири филма.
Во разговор за својата кариера со Фондацијата САГ-АФТРА, Аманда раскажа дека стравувала оти филмот може да ѝ ја уништи кариерата.
„Во тој момент ми изгледаше сосема очигледно дека треба да го одбијам ‘Чувари на галаксијата’. Си мислев: ‘Ова нема да биде хит. Дрво и ракун си разговараат’. И си реков: ‘Ако ова испадне лошо, ќе ми ја уништи кариерата. А шансите да испадне лошо се големи’“, рече таа.
Иако денес признава дека нејзината проценка била погрешна, Сејфрид не жали што ја одбила улогата.
„Очигледно, погрешив. Но и понатаму стојам зад таа одлука. Ја донесов за себе и за семејството што знаев дека сакам да го имам“, објасни актерката. „Освен тоа, не сакам целото време да го поминувам во приколката за шминкање. И онака не можам да седам мирно. Навистина не сакам каскадерски сцени, не сакам височини и не сакам да замислувам цел свет околу себе. Ми треба нешто опипливо на кое можам да се потпрам.“
На прашањето дали воопшто би сакала да снима суперхеројски филм, Аманда одговори: „Не, освен ако суперхеројот, знаете, само многу пешачи“.
Претходно, таа изјави дека многу повеќе би ја исполнувало снимање сцена со „друг човек, во која прават човечки работи и разговараат за вистинскиот живот“. Не верувала дека би била среќна доколку ја прифатела улогата во Марвел.
Извор: Just Jared
Учество во игри на среќа е дозволено за лица со 18+ години. Играј одговорно!