Кол Спраус се огласи откако неговиот брат близнак Дилан ги нарече „деца на инцест“. Актерот, кој има 34 години, во вторникот, на 20 октомври, на својата приказна на Инстаграм сподели снимка од екран со медиумски напис за изјавата.
„Никаква обука за настап пред медиумите не може да те подготви да прочиташ ваков кликбејт-наслов во 10 часот наутро“, напиша Кол.
Претходно истиот ден, Дилан раскажал за откритијата до кои дошол истражувајќи го семејното потекло преку Ancestry. Објаснил дека истражувањето му овозможило да запознае роднини кои дотогаш не ги познавал, бидејќи семејството од страната на татко му било „разединето“.
Дилан открил дека двете семејни гранки се преселиле во Калифорнија во времето на златната треска. Според него, роднините од едната гранка пронашле злато, по што таму се доселиле уште членови на нивното семејство. Кон крајот на 19 век, двете семејни гранки се поврзале со брак.
Дилан и Кол се прославија уште како деца со филмот Big Daddy од 1999 година, а потоа заедно глумеа во серијата The Suite Life of Zack & Cody и во нејзината спин-оф серија.
Извор: US Weekly
Учество во игри на среќа е дозволено за лица со 18+ години. Играј одговорно!