Марина Ќосиќ наскоро ќе стане мајка по втор пат, а новиот член на семејството го очекува со нетрпение заедно со сопругот Никола и ќерката Софија. Сепак, како што признава, втората бременост и донела сосема различно искуство во споредба со првата.
Во разговор за магазинот Story, Марина Ќосиќ зборуваше за промените кои мајчинството ги внесе во нејзиниот живот, семејното секојдневие, но и начинот на кој сега ги гледа деловните предизвици и актерската кариера.
Особено се осврна на реакцијата на ќерката Софија, која има пет години, кога и соопштиле дека ќе добие брат или сестра.
„Софија најубаво на светот реагираше кога и кажавме. Не би изнесувала детали, прилично се приватни, но реагираше на начин на кој никогаш не би претпоставила дека едно мало дете од пет години може да реагира“, раскажа актерката Марина Ќосиќ.
Марина откри и дека таа и сопругот веќе избрале име кое им се допаѓа, но дека конечната одлука сè уште не е донесена.
„Имаме име кое ни се допаѓа за сега, но никогаш не се знае – можеби ќе се промени до породувањето“, призна идната мајка.
Втората бременост и донесе поинаков поглед на секојдневието
За разлика од првиот пат, кога имала поинаков ритам на живот, Марина Ќосиќ сега ја поминува бременоста со многу семејни и деловни обврски. Како што вели, многу нешта и се нови, иако веќе еднаш го поминала ова искуство.
„Оваа бременост ми е по сè поинаква. Ем сум постара и позафатена, имам дете кое има свои обврски, желби и потреби, ем сум некако сè заборавила, па сè поминувам одново“, објасни актерката.
Сепак, една од најголемите промени е тоа што сега си дозволува да забави и да се откаже од работи за кои во одреден момент нема доволно енергија.
„Секако дека овој пат си дозволив, кога не ми е до нешто, едноставно не морам да го правам“, додаде Марина Ќосиќ.
Отворено за сопругот Никола и поделбата на семејните обврски
Говорејќи за сопругот Никола, Марина Ќосиќ објасни како функционираат кога станува збор за секојдневните задачи и грижата за семејството. Неговото вклучување, како што вели, во голема мера зависи од тоа колку време поминува дома.
Кога Никола е зафатен со работа цел ден, актерката го замолува навечер да и помогне околу работи кои и се потешки во бременоста. Од друга страна, кога се заедно, тој сам препознава што е потребно и презема одговорност.
Марина Ќосиќ призна и дека би сакала да научи почесто да бара помош, без да се чувствува дека тоа треба да го направи само кога веќе не може сама.
Мајчинството ја научи да поставува појасни граници
Улогата на мајка и донесе и важни лекции за неа самата. Како што истакнува, денес многу подиректно ги изразува своите потреби и повеќе не чувствува потреба да ги објаснува премногу.
„Ме научи на граници и на непотребноста од претерано објаснување на своите потреби. Ме научи да комуницирам многу подиректно и полесно. Дека е во ред да не си добар во сè и дека сè можеме да научиме“, рече Марина Ќосиќ.
Покрај трпението и смиреноста, мајчинството ја поттикна да застане и размисли пред да реагира. Дури го промени и односот кон неформалните разговори, кои порано не ги сакаше особено, но сфати дека се важен дел од комуникацијата со децата.
Токму преку секојдневните ситуации научи колку е важно да се создаде простор во кој децата можат слободно да разговараат и да отвораат теми без притисок.
За новите животни спознанија, семејството и професионалните планови, Марина Ќосиќ зборуваше во интервју за новиот број на магазинот „Story“.
Извор: Story.rs
Учество во игри на среќа е дозволено за лица со 18+ години. Играј одговорно!