Лесна шминка за жени над 50 години која ги ублажува брчките околу очите

Малите брчки околу очите не се причина да се откажеме од коректорот, но се добар повод да го промениме начинот на кој го нанесуваме. Кај позрела кожа, особено кога сакаме визуелно да ги ублажиме подочниците, неколку тенки и прецизно поставени слоеви можат да направат поголема разлика од обилна количина производ. Целта не е целосно да ја скриеме текстурата на кожата, туку да постигнеме посвеж и поизгладен изглед без ефект на тешка шминка.

Добрата шминка за жени над 50 години започнува многу пред коректорот. Подготовката на кожата, правилната корекција на бојата, малата количина производ и начинот на кој го распоредуваме можат да го променат целиот резултат. Кога кремастите формули не се собираат под очите и кога на крајот правилно се фиксираат, малите брчки можат да изгледаат помалку изразено, додека погледот добива поодморен и визуелно подигнат изглед.

Сè започнува со добра подготовка на кожата

Пред коректорот, областа под очите треба да се подготви со соодветна нега. Како прв чекор може да се користи новата PDRN крема од брендот The Ordinary, која се нанесува во тенок слој под очите. Сепак, тука постои еден важен детал кој не треба да се прескокне – потребно е да се почека кожата да ја впие кремата. Ако коректорот се нанесе додека негата е сè уште на површината на кожата, производите можат да почнат да се лизгаат и потешко е да се постигне рамномерен финиш. Кога кожата е подготвена и производот впиен, се преминува на корекција на бојата.

Коректор за боја само таму каде што е потребно

Ако подочниците се изразено темни, следниот чекор е коректор за боја кој треба да се избере според тонот на кожата, но Bobbi Brown Skin Long-Wearing Color Corrector Stick се покажа како многу ефикасен. Не е потребно да се покрие целата област под очите. Наместо тоа, нанесете го само на деловите каде што дисколорацијата е најизразена. За прецизно нанесување може да послужи Sephora PRO Brush 13, а потоа е најдобро производот нежно да се втрива. Овој чекор е важен бидејќи коректорот за боја останува токму таму каде што е потребен, наместо да се размачка по целата област. Целта не е да се направи уште еден слој под очите, туку да се неутрализира темната боја пред да нанесеме коректор.

Коректорот не се нанесува директно до линијата на окото

За следниот чекор добар избор може да биде Fenty Beauty We’re Even Longwear Concealer, но начинот на нанесување прави најголема разлика. Наместо голема количина производ, ставете мала количина на најниската точка на областа која сакате да ја изедначите, а потоа со Sephora PRO Brush 17 со лесни потези повлечете ја кон врвот. Важно е производот да не се нанесува сосема до крајот на окото. Таму се наоѓаат најфините линии, па вишокот коректор лесно може да се собере токму во нив. Наместо широки потези, правете ситни и контролирани движења за да се распредели производот рамномерно. На самиот крај, кога ќе стигнете до надворешниот агол на окото, со четката повлечете го производот благо нагоре. Овој мал детал дава визуелен ефект на подигнување и прави погледот да изгледа поотворено.

Помалку производ значи подобар резултат

Една од најчестите грешки кога сакаме да ги прикриеме подочниците е токму прекумерната количина коректор. Иако изгледа логично дека повеќе производ ќе покрие подобро она што сакаме да го скриеме, ефектот може да биде сосема спротивен. Наместо дополнителен слој, со четка отстранете го вишокот производ и оставете само тенка, рамномерна количина. Кожата така останува поприродна, а малите брчки помалку нагласени.

И да, пудрата за сетирање е важна

Постои уверување дека жените над 50 години треба да избегнуваат сетирање за кожата да задржи природен сјај. Меѓутоа, целосното прескокнување на овој чекор може да направи повеќе штета отколку корист. Кога кремастите производи остануваат целосно нефискирани, во текот на денот можат да се поместуваат и собираат токму во брчките, поради што тие стануваат повидливи. Затоа е подобро да се користи мала количина пудра и внимателно да се нанесе само таму каде што е потребно. Huda Beauty Easy Bake Loose Baking & Setting Powder во нијанса Peach може да биде добар избор за областа под очите. Нанесете ја во тенок слој и без претерување.

Резултатот не е целосно мат кожа, туку уреден и лесен финиш кој спречува поместување на производот. Токму тоа е суштината на добрата шминка за жени над 50 години, не се обидува да ја скрие текстурата на кожата по секоја цена, туку со правилно нанесување на производите прави да изгледа поизгладено, посвежо и поприродно.

Lepota i Zdravlje