Очила за сонце остануваат наши најдобри пријатели и со доаѓањето на постудените денови. Тие се верни сојузници и преку ден и навечер, додавајќи гламурозна нота на облеката, омилена кај инфлуенсерите.
Утрото има свој карактер. Понекогаш е бавно и тивко, со првото кафе и неколку минути повеќе под ќебе, а понекогаш започнува нагло, меѓу звукот на алармот, облекувањето во движење и погледот на часовникот. Токму таа непредвидливост ги прави интересни – бидејќи ниту едно утро не изгледа исто како претходното.
Градот во раните часови има посебна енергија. Улиците се полни со луѓе кои брзаат на работа, некој веќе трча на тренинг, некој застанува за кафе, додека денот за други се одвива во сосема поинаква насока. Меѓу сите тие мали рутини се создава своеобразна утринска кореографија – позната, но секој ден малку различна.
Токму од тој ритам произлегува Morning Express, новата сезонска приказна на францускиот бренд IZIPIZI. Колекцијата за есен и зима се игра со бои и форми кои природно се вклопуваат во секојдневието, од првите утрински обврски до спонтаните промени на плановите.
А кога станува збор за есенската гардероба, деталите често прават најголема разлика. Предимензионирани капути, меки џемпери, слоевито облекување, деним и земјени тонови создаваат совршена основа за очила кои не се избираат само според функцијата, туку и според расположението.
Моделите од IZIPIZI колекцијата лесно стануваат дел од тој секојдневен стил – со волнен капут и шал за студени утра, со кожна јакна и фармерки за поопуштен градски изглед или како неочекуван детаљ со едноставна комбинација на неутрални тонови.
Стилот не е само она што го избираме кога имаме време да се подготвиме. Тој се гледа и во оние моменти кога доцниме, кога на патот менуваме правец или кога сосема случајно се најдеме на место каде не сме планирале да бидеме.
Можеби токму затоа утрото е најдобриот момент за нов почеток – дури и кога не започнува онака како што сме замислиле.
Извор: Story.rs
Учество во игри на среќа е дозволено за лица со 18+ години. Играј одговорно!