Грани фармерки: Моделот што ги спојува удобноста, безвременскиот стил и елеганцијата повторно е во тренд

Ако постои модел фармерки што особено се издвојува во последните сезони, тоа се „granny jeans“.

Со висок струк, рамен или благо опуштен крој и нагласена винтиџ естетика, „granny jeans“ се идеален избор за жените кои сакаат да ги спојат удобноста и стилот.

Инспирирани од модата од осумдесеттите и деведесеттите години, овие фармерки им прилегаат на различни типови телесна градба и лесно се вклопуваат во дневни и вечерни комбинации, речиси со секое парче облека.

ЗОШТО ТРЕБА ДА ИМАТЕ „GRANNY JEANS“ ВО ГАРДЕРОБЕРОТ?

Нивната најголема предност е разноврсноста. Може да се носат во речиси секоја пригода – од опуштена прошетка низ градот до поелегантни вечерни комбинации. Високиот струк визуелно ја издолжува силуетата и ја нагласува фигурата, додека удобниот крој овозможува целосна слобода на движење без да се жртвува женствениот изглед.

За романтичен стајлинг, комбинирајте ги со топ во стилот на долна облека или со кошула украсена со волани, а изгледот дополнете го со балетанки или мокасини. Ако повеќе го сакате минималистичкиот стил, едноставна маичка со тесни прерамки или ленена кошула ќе биде совршен избор за елегантна комбинација што може да ја носите од утро до вечер.

Инспирација побарајте во модните комбинации од фото­галеријата.