Зошто веќе не сте среќни? Стручњаците велат дека одговорот не е ниту парите ниту работата

Ако имате чувство дека сите денови ви се исти, дека малку нешто искрено ве радува и дека ви недостига тој чувство на возбуда, причината можеби не e стрес или замор. Стручњаците велат дека одговорот често се крие во нешто што речиси и не го забележуваме – живот без нови искуства.

Многумина веруваат дека би биле посреќни ако имаат повеќе пари, помалку обврски или повеќе слободно време. Сепак, психолозите предупредуваат дека чувството на незадоволство често нема врска со големи животни проблеми, туку со начинот на кој го живееме секојдневието.

Кога секој ден изгледа речиси идентично на претходниот, мозокот преминува на „автопилот“. Истата рута до работа, истите места, истите оброци и истите навики носат чувство на сигурност, но во исто време го бришат она што природно не движи – љубопитност, возбуда и чувство на откривање на нешто ново.

ЗОШТО РУТИНАТА ПОЛЕКА ГО ГАСИ ЧУВСТВОТО НА СРЕЌА?

Рутината не е непријател. Напротив, таа му помага на мозокот да заштеди енергија и полесно да функционира. Проблем се јавува кога сосема исчезнува просторот за нови искуства.

Психолозите го нарекуваат овој феномен хедонистичка адаптација. Тоа е природна способност на мозокот да се навикне многу брзо на добрите нешта. Новата љубов, унапредување на работа, нов дом или остварување на голема цел со време стануваат дел од секојдневието и престануваат да предизвикуваат истата возбуда како на почетокот.

Тоа не значи дека сме помалку среќни, туку дека нашиот мозок го доживува она што некогаш било посебно како нешто сосема обично.

МАЛИ ПРОМЕНИ ИМААТ ПОГОЛЕМ ЕФЕКТ ОТКОЛКУ ШТО МИСЛИТЕ

Добрата вест е дека за чувство на свежина не се потребни драматични животни промени. Не мора да дадете отказ, да се преселите или да отпатувате на друг крај од светот за повторно да почувствувате радост.

Понекогаш е доволно да испробате нов хоби, да го промените патот кој го одите, да одите на еднодневен излет, да пробате рецепт кој никогаш претходно не сте го готвеле или да откриете ново место во вашиот град. Токму таквите мали чекорчиња ги будат центрите за наградување во мозокот и го враќаат чувството на задоволство.

ЗОШТО НЕ РАДУВАЧУВА И ИШЧЕКУВАЊЕТО НА УБАВИ МОМЕНТИ?

Еден од поинтересните заклучоци на психолозите е дека не’ усреќува не само искуството, туку и неговото ишчекување.

Планирањето на викенд патување, купувањето на карти за концерт или договарањето со пријателите за излегување можат да го поттикнат лачењето на допамин – невротрансмитер кој е поврзан со мотивација, задоволство и чувство на награда.

Со други зборови, понекогаш веќе самата помисла на нешто убаво може да не направи посреќни.

СРЕЌАТА ЧЕСТО СЕ КРИЕ ВО ОНО SCHTO ГО ЗАБОРАВАМЕ

Ако ви се чини дека животот станал предвидлив и дека ништо повеќе не ве возбудува како некогаш, можеби не ви е потребна голема промена. Доволно е на секојдневието да му ја вратите дозата на спонтаност и љубопитност.

Зашто среќата ретко се крие само во големите животни прекретници. Многу почесто настанува од мали моменти кои ја разбија рутината, будејќи нови чувства и нѐ потсетуваат дека светот околу нас и понатаму може да не изненади.