Како стилски да се носи спортски дрес за време на летото на Светското првенство

Доколку некој мислеше дека Светското првенство 2026 година ќе биде резервирано исклучиво за голови, навивачка еуфорија и бескрајни расправи за судиските одлуки, време е за мала корекција. Мундијалот пристигна и во модните ормари.

Додека репрезентациите се борат за трофејот на теренот, еден неочекуван победник веќе доминира по улиците, на Instagram објавите и TikTok трендовите. Тоа е фудбалскиот дрес, парче облека кое оваа година успеа да ги премине границите на спортот и да стане еден од најпосакуваните модни детали на сезоната.

Она што некогаш беше исклучиво спортско, сега се сели директно во уличниот стил и секојдневните аутфити со доза на модна храброст. Инспирацијата? Новиот drop на брендот Adidas, кој носи култни дресови од Светското првенство и автентични репрезентативни парчиња. Но, вистинското прашање не е што да носите – туку како да го носите тоа.

На сцена влегува естетиката која во моментов владее на модната сцена: блокете. Спој на две наизглед неспоиви енергии – опуштениот, малку „дечечки“ bloke core стил и нежната, романтична кокет естетика. Резултатот? Комбинации кои се истовремено кул и женствени, лежерни, но внимателно стилизирани.

Трендот не настанал прекуноќ. Веќе некое време модните инсајдерки и TikTok девојки ги претвораат спортските дресови во вирусни аутфити, а меѓу првите што го популаризираше овој стил беше Бела Хадид, која без напор ги спои мини здолништа, Mary Jane чевли и оверсайз дрес и со тоа постави нови модни правила.

Најдобриот дел? Не постојат ограничувања.

Фудбалскиот дрес можете да го носите со речиси сè – од класични мокасини и ретро Mary Janes модели, до патики (секако) и елегантни slingback чевли. Кога станува збор за долниот дел, изборот е исто така разновиден: мини, миди или макси здолништа, широки панталони, фармерки… сè доаѓа предвид.

Овој тренд не е само естетски интересен – тој е и практичен. Го комбинира удобноста на спортскиот дел со креативноста на модната игра, создавајќи изглед кој делува спонтано, но всушност има силен стилски потпис.

Ако барате начин да ја освежите гардеробата без премногу труд, фудбалскиот дрес можеби е токму оној неочекуван дел кој ќе го издигне вашиот стил на повиско ниво.

Во галеријата погледнете инспиративни примери.