Здрави и вкусни – протеински топчиња

Ако сте на диета или генерално внимавате на исхраната, а ви се јаде нешто благо… Што да купите за да ја угасите оваа голема желба?

Не мора повеќе да купувате преработени слатки кои ќе ве заситат во моментот и ќе ве вратат неколку чекори наназад во вашата диета и волја за одржување на здрава исхрана. Сега можете да направите вкусни слатки, односно топчиња, кои ќе ве заситат и воедно ќе ја намалат желбата на организмот за слатко. Едноставно се прават, не одземаат многу време и се состојат од здрави намирници.

Забавувајте се во правењето и уште повеќе во пробувањето на овие неверојатно вкусни протеински топчиња:

1. Топчиња со лимон и боровинки

Состојки:

• 1 + ½ чаша индијски ореви
• ½ чаша незасладени кокосови ронки + малку за украсување
• ½ чаша суви боровинки
• ¾ чаша урми, без семки, згмечени и исечени на парчиња
• 1 до 2 лажици свеж сок од лимон
• 1 мала лажичка рендана кора од лимон + малку за украсување
• ½ мала лажичка чист ванила екстракт
• Пиперка сол

Подготовка:

Во процесор за храна, иситнете го индијскиот орев и кокосот. Потоа додадете ги боровинките, урмите, кората од лимон, сокот од лимон, ванила екстрактот и малку сол. Блендирајте ги состојките сè додека не се соединат целосно и не се оформи тесто кое може да се обликува со прстите. Пробајте го вкусот и додадете уште малку сок од лимон ако е потребно.

Тестото обликувајте го во помали топчиња, а потоа посипете го со дополнителен кокос и кора од лимон. Чувајте ги во фрижидер до една недела.

2. Топчиња со лимета и кокос

Состојки:

• ½ чаша бадеми
• ½ чаша индијски ореви
• 1 + ½ урми, згмечени
• Рендана кора и сок од 3 лими (мексикански) (Можете да користите и обична врста лимета)
• ½ чаша незасладен кокос

Подготовка:

Во процесор за храна ставете ги бадемите и индијскиот орев. Пулсирајте ги додека двата ореова плодови не се иситнат доволно (не претерувајте да не направите паста). Додадете ги урмите, сокот од лимета и кората. Миксирајте додека урмите не се сомелат и не се оформи смеса слична на тесто.

Сместа обликувајте ја во помали топчиња и упролување во кокосови ронки.

3. Пеперминт – мока топчиња

Состојки:

• ¼ чаша смрвени парчиња црна чоколада
• ¼ чаша смрвени еспресо зрна (или зрна обична кафе)
• 1/3 чаша мелени бадеми или кое било брашно од ореова плодови
• ¼ чаша кокосово брашно
• 1/3 до ½ чаша путер од кикирики со малку какао
• 6 до 8 лажици протеин во прашок од ванила или чоколадо
• ¼ до 1/3 чаша мед или сируп од агава
• 1 мала лажичка екстракт од пеперминт
• Опционално: ¼ мала лажичка ванила екстракт и 1 лажица исечкани ливчиња нане за дополнителен вкус

Подготовка:

Помешајте ја црната чоколада и зрната кафе во процесор за храна. Добиената смеса префрлете ја во поголема чинија и додадете ги сите преостанати состојки, така што медот да биде последен додаден состојок. Додадете повеќе опции по желба и сè добро промешајте – со раце или миксер. Обликувајте ја смесата во топчиња и ставете ја во фрижидер на неколку часа или преку ноќ да се стегнат. Посипете го сè со какао во прашок и протеин во прашок.

На здравје!