Како да направите коктел „Том Колинс“

Коктелот „Том Колинс“ може да биде најдобриот избор кога сакате да направите коктел дома, особено ако сте љубител на џин.

Едноставниот начин на подготовка и минималната количина состојки се два главни адута, а крајниот резултат е живописен и вкусен пијалок.

Потеклото на коктелот „Том Колинс“ има две многу интересни приказни. Првата е стара повеќе од 100 години и според неа, ова пијалок го направил барменот Џон Колинс во Лондон. Џон Колинс користел дански џин под името Old Tom, па по грешка ги измешал имињата и така настанал „Том Колинс“. Втората и најраспространета верзија е заснована на измама (која влегла во историјата како The Great Tom Collins Hoax), која станала вирална во Њујорк 1874 година. Стотици жители и посетители на Њујорк во баровите слушале приказни за извесен Том Колинс, кој ширел лажни приказни за нивната репутација, поради што бил баран низ различни делови на градот. Бармените се погрижиле да го прошират митот за човек кој никогаш не постоел и се разбира, направиле соодветен коктел.

За подготовка на коктелот потребно ви е:

• 50 мл ладонски сув џин
• 25 мл свежо исцеден сок од лимон
• 120 мл сода
• Парче лимон и цреша за декорација

Ставете ги сите состојки во шејкер со мраз и добро протресете. Процедете го во „Колинс“ чаша која сте ја наполниле со коцки мраз. Дополнете со сода и украсете со парче лимон и цреша.